BALLKAN, 26 Qershor 2022, 14:40

Petkov për propozimin francez: Shkupi tani ka zgjidhje për të ardhmen e vet

Petkov për propozimin francez: Shkupi tani ka zgjidhje për të

Kryeministri bullgar i dorëhequr Kiril Petkov sot ka deklaruar se do të jetë sërish kandidat për kryeministër të partisë së tij “Vazhdojmë me Ndryshimet” (VN), për marrjen e mandatit të ri për formimin e qeverisë.

Ai tha se nuk do të negocionte me partitë opozitare që rrëzuan kabinetin e tij të parë.

“VN nuk do të negociojë me Slavi Trifonov, Boyko Borissov, Deljan Peevskin dhe Kostadin Kostadinov. Ne kemi një dialog me DB dhe BSP. Ne nuk duam zgjedhje, por nuk do të paguajmë çmimin e disa lojtarëve të prapaskenës që ende mund të kontrollojnë fondet që duhet të shkojnë për popullin, dhe jo për disa kompani, siç ishte rasti me ETN. Ëndrra ime është të shoh një qeveri dhe parlament që nuk kontrollohen nga njerëz kukull, ndërsa liderët janë të pavarur. Njerëzit që kanë probleme me VN-në, me mua si kryeministër, me Asen Vasilev si ministër i financave, janë ata të cilëve u kemi qëndruar peng, në mënyrë që fondet publike të mos shpenzohen në mënyrën e vjetër”, tha Petkov në një intervistë me “BNR”.

Lidhur me vendimin e Kuvendit bullgar për miratimin e propozimit francez për negociatat e Maqedonisë me BE-në, Petkov theksoi se “Shkupi tashmë ka zgjedhje për të ardhmen e tij, ndërsa Bullgaria nuk mund të jetë më përgjegjëse për të gjithë”.