TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ervin Salianji ka mbërritur mëngjesin e sotëm në Prokurorinë e Tiranës, ku është thirrur në cilësinë e të pandehurit për dosjen "Babale", nga dy prokurorët e çështjes, Genci Qano dhe Kol Hysenaj.
Salianjit pritet ti komunikohet akuza e “moskallzimit të krimit”.
Gjykata ka urdhëruar organin e akuzës që brenda datës 20 mars të përfundojë hetimet për çështjen ndaj deputetit të PD-së, Ervin Salianji.
Veç deputetit të dorëhequr në hetim për këtë çështje janë dhe Albert Veliu i njohur si Babalja, personi që imitoi zërin e Agron Xhafës, Fredi Alizoti dhe gazetari Jetmir Olldashi.
Salianji është marrë i pandehur, pasi është personi që denoncoi audiopërgjimin.
Përmes një audio-përgjimi të publikuar nga partia demokratike e cila u kthye edhe në akuzën e opozitës ndaj qeverisë, u pretendua se Agron Xhafaj, vëllai i ish-ministrit të Brendshëm, Fatmir Xhafaj, fliste me Albert Veliun, njohur si "Babale" për pazare droge.
Por zëri i audios rezultoi të mos ishte i Agron Xhafës. Pasi u arratis fillimisht në Kosovë ku kërkoi për disa muaj azil politik, Albert Veliu përfundoi në fillim të këtij viti në Belgjikë.
