TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i ALUIZNI-t, Artan Lame u përball mbrëmë në studion e emisionit “Stop” me një video-regjistrim të një qytetari me juristin e këtij institucioni, i cili iu drejtua qytetarit duke e pyetur “nëse ka folur me një tjetër person” të rrjetit brenda ALUIZNI-t.
Më pas qytetari u ul e bisedoi me rojen e institucionit, nga ku mori garancinë se me 10 mijë euro hoteli i tij 5-katësh dhe me probleme, do të marrë certifikatën e legalizmit brenda 3 javësh.
Artan Lame e ndoqi live kameran e fshehtë, të përgatitur nga “Stop”, ku shfaqej edhe juristi i ALUIZNI-t duke komunikuar me një qytetar për një hotel pa leje.
Biseda
Qytetari – S’na e var fare, as s’folet fare, nuk e ke ndërmend me fol fare. Do që të pijmë kafe bashkë?
Juristi i ALUIZNI-t – Jo! Dola me fol në telefon. Çfarë problemesh ke?
Qytetari – Problemin e kam … nuk e di a të kujtohet se jemi taku dhe njëherë tjetër bashkë.
Juristi i ALUIZNI-t – Po s’i mbaj mend se njoh shumë njerëz, të mbaj mend si fytyrë, por nuk të njoha.
Qytetari – E di, s’e kam, se s’më mban mend.
Juristi i ALUIZNI-t – Ee…
Qytetari – Edhe tani … me u taku as …
Juristi i ALUIZNI-t – Çfarë është?
Qytetari – Hotel pesë katësh. Fol, a mundesh me maru punë? 3 herë i kam bo matjet.
Juristi i ALUIZNI-t – S’kam çfarë të të them. E marr naj përgjigje. A ke fol me xxxx?
Qytetari – Ja ku e ke! Vetëm rri tu qesh.
Roja – Prit një sekondë, sa të vijë ai! Të tha gjë?
Lame reagoi duke thene se ka shume denoncime: “Unë e them dhe një herë me shaka, në 140 mijë legalizime që u bënë, sikur të kisha marrë une 1000 a 2000 euro, do kisha marrë 140 milionë euro në shtëpi. Imagjinoje sa e rëndësishmë është ndjekja e këtyre rasteve”, tha Artan Lame.
Roja – E kam pa, tha ai. Tha që bëhet, por më ka dhënë një pazar … i bie pastaj vendose vetë.
Qytetari – Çfarë pazari?
Roja – 10 mijë euro dhe për tre javë merr lejen. Kështu i kanë thanë ata, shefat andej.
Qytetari – A është muhabet i sigurtë?
Roja – I sigurt me 1 milion përqind, për tre javë e merr lejen.
Qytetari – 10 mijë euro?
Roja – Po! Se është me problem,a e di? Se në përgjithësi marrin 5-6, po nuk pati probleme.
