TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Alketa Vejsiun prej vitesh e kemi parë duke moderuar disa prej spektakleve më të ndjekura në “TV Klan”. Së fundmi moderatorja e njohur është duke drejtuar spektaklin “Në Kurthin e Piter Pan”, i cili shfaqet çdo të hënë mbrëma.
Mirëpo mbrëmjen e djeshme Alketa Vejsiu është shfaqur në ekranin e “Top Channel” me një pamje tërësisht të transformuar. Nuk bëhet fjalë konkretisht për Alketën, por për aktoren e “Portokalli”-së Delinda Zhupa, e cila e ka imituar moderatoren në mënyrën më të mirë të mundshme.
Aktorja e humorit solli një version ndryshe të Alketës teksa prezantonte spektaklin “Në kurthin e Piter Pan” dhe në studio ishte i ftuar Robert Aliaj, që në këtë rast imitohej nga aktori Florian Binaj.
Gjatë këtij sezoni të “Portokalli”-së janë imituar edhe shumë personazhe të tjerë të njohur të ekraneve shqiptare, si Rudina Magjistari, Arjan Çani etj.
