TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pentagoni tha të martën se kishte marrë pako që dyshohet se përmbanin helmin vdekjeprurës ricinë, duke përfshirë një zarf që një zyrtar tha se i drejtohej Sekretarit të Mbrojtjes Jim Mattis.
Pentagoni tha në një deklaratë se e kishte vënë në karantinë objektin e shpërndarjes së postës dhe se FBI-ja po analizon zarfet.
Zyrtarët thanë se zarfet fillimisht rezultuan pozitivisht për ricinë pasi u zbuluan nga policia e Pentagonit të hënën në një objekt postar.
Objekti ndodhet në kompleksin e Pentagonit, por jo në ndërtesën kryesore.
Ricina mund të shkaktojë vdekjen brenda 36-72 orësh nga ekspozimi ndaj një sasie mjaft të vogël, sa një majë gjilpëre. Kundër ricinës nuk ekziston ndonjë antidotë e njohur.
Sipas Departamentit të zjarrfikësve në Houston, dy persona u dërguan në spital pasi duket se ishin ekspozuar ndaj një substance pluhuri të bardhë në një zyrë në 3200 SW Fwy. Kati 9 i Kullës së Feniksit është evakuuar pasi është duke u punuar për të përcaktuar natyrën e substancës.
Ricin është një përbërës shumë toksik që nxirret nga kastori dhe është përdorur në komplote terroriste. Mund të përdoret në pluhur, peletë, sprai ose formë acidi./bw
