TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Andi Bushati dhe Neritan Sejamini kanë debatuar në emisionin "Të Paekspozuarit" në MCN TV, për opozitën dhe qëndrimin e Sali Berishës në krye të saj.
Bushati thotë se opozita nuk i fiton dot zgjedhjet, por ka mision të rezistojë, në mënyrë që të denoncojë abuzimet e pushtetit dhe regjimin e Ramës.
Ndërsa Neritan Sejamini thotë se opozita është e paqartë se çfarë po bën dhe se në rast humbje do të asgjësohet.
Pjesë nga debati:
Andi Bushati: Nëse do të ishte një sistem demokratik me garë të barabartë, unë mendoj se Berisha do ta dëmtonte opozitën duke qenë lider i saj, por lojë nuk e kemi. Këtu kemi një pakicë aktive, një shumicë e fjetur dhe një grusht njerëzish që kanë vendosur sistem autokratik. Çfarë sinjali do të jepte Berisha nëse tërhiqej, kur qëllimi i Edi Ramës, që nga lobimi për non-gratën, deri te urdhëri ndaj SPAK, ka qenë asgjësimi politik i Berishës? Rama ka patur qëllim asgjësimin politik të Berishës. Kishte Bashën atje, kishte gjithcka, Belindën dhe Elisën e djathtë. Fakti që kundërshtari e godet Berishën, e dënon për rezistencë Berishën. Thonë edhe ky Bushati del në TV dhe vetëm kritikon, të ikë edhe ky, të vijë një i ri ta kritikojë Ramën. Kjo “i ri, i ri” është e mirë, por në lojën politike ku rezistenca është më e rëndësishme, Berisha e ka detyrim edhe po të donte të tërhiqej, është i detyruar dhe dënuar të rrijë atje.
Neritan Sejamini: Cili është qëllimi i PD në zgjedhje? Të fitojë zgjedhjet.
Andi Bushati: Jo, zgjedhjet janë të humbura. Është rezistenca.
Neritan Sejamini: Nëse Berisha humbet, a do të japë dorëheqjen? Pra ti e ke për këto tetë muaj?
Andi Bushati: Vë bast që Berisha nuk të ikën.
Neritan Sejamini: PD pas 2025 duhet të mbijetojë dhe të ringrihet. Nëse humbet, del e shkatërruar. Do të krijohen fraksione të tjera. Berisha duhet të largohet. Tani, që PD të fitojë duhet të fitojë vota, të marrë votën e opozitës dhe një pjesë të elektoratit gri. Çfarë roli duhet të ketë Berisha që të arrijë këtë elektorat?
Andi Bushati: Ai ka blerë arbitrin, ka vendosur stadiumin…
Neritan Sejamini: Çfarë do të thotë rezistencë?
Andi Bushati: Sot kemi fituar një opozitë që nuk ka asnjë shpresë ta mundë Ramën, por të paktën nuk është e blerë nga Rama. Kjo opozitë nuk e çoi dot Veliajn në burg, por e pengoi 5D. Po të ishte opozita e blerë, nuk do të merrnim vesh asgjë. Pra rezistenca është pikërsiht kjo. Qëllimi politik është, ose diktaturë totale, ose do të ruhet një minorancë që të paktën ulëret, që o njerëz po jetoni në diktaturë. Nuk do të merrnim vesh as këtë, nëse opozita do të ishte e blerë. Kaq është misioni i kësaj opozite të gjymtuar.
Neritan Sejamini: Pra rezistenca është të bëhen disa denoncime...
