TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rinumërimi në qarkun e Tiranës po vijon sot në ditën e katërt.
Komisioni Qendror i Zgjedhjeve ka publikuar sot ora 11:00 të dhënat për 367 qendrat e votimit të rinumëruara në Tiranë.
Në bazë të shifrave të publikuara nga KQZ, Koalicionit Partia Demokratike-Aleanca për Shqipërinë Madhështore i janë shtuar 186 vota në rezultatin e zgjedhjeve parlamentare të 11 majit.
Gjithashtu pas rinumërimit të 367 qendrave, Partia Socialiste rezulton se në rezultatin e 11 majit i janë shtuar 170 vota.
Nga ana tjetër Lëvizjes Atdheu i është shtuar 1 votë në rezultatin e 11 majit, Partisë Koalicioni Euroatlantik i janë hequr 15 vota, Partisë Aleanca Kombëtare Shqiptare i janë shtuar 2 vota dhe Koalicionit Djathtas për Zhvillim i janë hequr 7 vota.
Procesi i rinumërimit për qarkun e Tiranës po zhvillohet në pallatin e sportit “Fahrie Hoti”, ku do të numërohen të gjitha kutitë e votimit brenda vendit në 18 KZAZ.
Në total janë 1282 qendra votimi dhe rinumërimi përfshin si votat për subjektet politike, ashtu edhe ato për kandidatët individualë.
