TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Tiranës ka proceduar penalisht pronaren e një pike këmbimi valutor (exchange), e cila dyshohet se lejonte depozitimin e parave nga persona të ndryshëm, me qëllim përdorimin e tyre për huadhënie me interes jashtë sistemit bankar.
Operacioni policor, i koduar “Hidden Funds”, u finalizua pas një hetimi të kryer nga Seksioni për Hetimin e Pastrimit të Parave dhe Aseteve Kriminale, në bashkëpunim me Prokurorinë e Tiranës.
Sipas të dhënave zyrtare, subjekti në pronësi të shtetases E. K., 72 vjeçe, u përdor nga klientë për depozitimin e shumave të mëdha parash të padeklaruara, të cilat më pas viheshin në qarkullim përmes huadhënieve me përqindje, jashtë çdo kontrolli ligjor financiar.
Gjatë kontrollit në ambientet e këtij subjekti, u sekuestruan rreth 500.000 euro, të dyshuara si të përfituara nga veprimtari e paligjshme financiare.
Policia bën me dije se hetimet po vijojnë për të identifikuar persona të tjerë të përfshirë në këtë skemë dhe për të dokumentuar plotësisht aktivitetin e tyre të jashtëligjshëm.
Materialet procedurale janë referuar Prokurorisë për veprime të mëtejshme ligjore.
