TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me nisjen e vitit të ri akademik, në universitetin “Eqerem Çabej” në Gjirokastër do të studiojnë edhe 8 të rinj nga Lugina e Preshevës. Edhe pse do të qëndrojnë qindra kilometra larg vendlindjes, ata do të përfitojnë mbështetje financiare për të siguruar akomodimin falas dhe ciklin e studimeve. Shumica prej tyre kanë zgjedhur degën e infermierisë, jo si një pasaportë për t’u larguar nga vendi, por për të shërbyer në tokën amë.
“Mjedisi është fantastik, njerëzit janë mikpritës, kulturë shumë e mirë dhe vendi është i bukur”, – u shpreh Besard Osmani, një nga studentët. “Është shumë e veçantë për shkak se diploma e Shqipërisë njihet në vendin tonë dhe vendit tonë, i nevojiten infermierë të rinj. Në momentin që kam ardhur këtu të gjithë njerëzit janë sjellë mirë me ne dhe më pëlqen shumë dhe do të mësohem të ambientohem shumë shpejt.”, –tha Albulena Ramadani, një studente.
Universiteti i Gjirokastrës me një aktivitetet rreth 50-vjeçar është institucioni më i rëndësishëm akademik në jug të vendit, ku këtë vit do të mirëpresë shqiptarë nga të gjitha trevat shqipfolëse.
