TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Forcat ruse pushtuan qendrën e rëndësishme strategjike të Khersonit. Ky është qyteti i parë më i madh që kapërcehet nga forcat e Putinit që nga fillimi i pushtimit të enjten e kaluar. Kreu i bashkisë së Khersonit, Igor Kolykhaev, dhe një zyrtar i lartë i qeverisë ukrainase konfirmuan se Kherson ka rënë në duart e rusëve. Forcat ruse kishin rrethuar qytetin dhe pas ditësh luftimesh intensive, forcat ukrainase u detyruan të tërhiqen drejt qytetit të afërt të Mykolaiv.
“Nuk ka ushtri ukrainase këtu” tha ai në një intervistë. “Qyteti është i rrethuar.”
Rreth 10 oficerë rusë të armatosur, duke përfshirë komandantin rus, kishin hyrë në bashkinë e qytetit, tha zoti Kolykhaev, dhe kanë plane për të krijuar një qendër administrative ruse atje.
Khersoni:
Khersoni është qytet me 300,000 banorë, në veriperëndim të gadishullit të Krimesë – është strategjikisht i rëndësishëm sepse do t’u lejonte rusëve të kontrollonin më shumë vijën bregdetare jugore të Ukrainës dhe të shtynin drejt perëndimit drejt qytetit të Odesës. Një zyrtar i lartë i Pentagonit tha se forcat ruse në të gjithë Ukrainën vazhduan të vuanin probleme logjistike dhe se udhëheqja ushtarake ruse ishte bërë shumë më agresive në shënjestrimin e infrastrukturës civile brenda qyteteve.
