TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria duket se ka kaluar në ofensivë kundër deputetit të PD, Agron Shehaj. Pas Edi Ramës ka ardhur një reagim edhe nga Ministria e Brendshme, institucion që ka përsëritur atë cfarë thotë Rama, se objekti ku është biznesi i Shehajt ka 55% të sipërfaqes pa leje.
Mësymja e Policisë së Shtetit te biznesi i Shehajt erdhi pasi ai denoncoi aferën e ministres Olta Xhacka, bashkëshorti i së cilës është shpallur “investitor strategjik” nga qeveria duke përfituar favore në bregdetin e jugut.
Deklarata e plotë e Ministrisë së Brendshme.
Me një sqarim të detyruar, por jo të dëshiruar, Ministria e Brendshme u përgjigjet akuzave të deputetit Agron Shehaj, që vijnë nga salla ku presupozohet se ai ka shkuar për të diskutuar e marrë vendime të rëndësishme për ata që e kanë votuar. Ai sot është përpjekur të sulmojë institucionet ligjzbatuese dhe të ‘mbrojë’, paligjshmërinë e tij.
Fotoja që publikoi deputeti Shehaj është dëshmi e saktë, e punonjësve të Policisë së Shtetit dhe IKMT në krye të detyrës, për bllokimin e një ndërtese subjekt i ligjit për penalizimin e ndërtimeve pa leje me qëllim fitimi.
Eshtë pikërisht ky objekt me mbi 55% shtesë kati, ose thënë ndryshe 560 m2 pa leje, ku kompania e deputetit Shehaj ka vendosur aktivitetin. E megjithë paligjshmërinë në flagrancë, nga shkelësi artikulohet me lehtësinë më të madhe, akuza për mbyllje biznesi të ndershëm.
