TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ngushtimi i diferencave në masën e pensionit dhe rritja e shkallës së zëvendësueshmërisë janë në qendër të reformës në fushën e sigurimeve shoqërore, e cila është duke u përgatitur. Specialisti i përfitimeve afatgjata, Riza Ashimi, tregon se synohet që pensionet e ulëta të kenë një rritje më të madhe, duke ngushtuar diferencën me pensionet e larta.
Gjithashtu me këtë reformë do të synohet që të rritet numri i personave që kontribuojnë duke paguar sigurimet shoqërore:
“Për vitin 2023, nisur edhe nga numri i ulët i kontribuuesve ose nga raporti jo shumë i lartë kontribuues–përfitues, kemi një shkallë të ulët zëvendësueshmërie në masën 44%. Reforma që do të synojë Këshilli i Ministrave me asistencën e Bankës Botërore do të bëjë të mundur rritjen e shkallës së zëvendësueshmërisë për të pasur një pension më të lartë dhe për të bërë ngushtimin e diferencave në masën e pensioneve për shkak edhe të ndryshimit të koeficienteve. Masat e pensionit bazë dhe e pensioneve më të larta sipas viteve kontributeve do të kenë një rritje më të lartë sesa vitet e kaluara,” shprehet z. Ashimi. Reforma në fushën e sigurimeve shoqërore pritet të nisë zbatimin vitin e ardhshëm.
