TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Preç Zogaj, duke komentuar në emisionin “Të Paekspozuarit” në MCN TV deklaratat e kryeministrit Rama ndaj shoqatave të gjyqtarëve që kërkojnë të rritin pagat e gjyqtarëve me anë të një padie në Gjykatën Kushtetuese, u shpreh se reagimet e shefit të Ekzekutivit tregojnë një frustrim të përgjithshëm të tij ndaj drejtësisë, për të cilën mendonte se kishte në dorë.
“Unë mendoj se Rama është i frustruar në tërësi. Është pjesë e një frustrimi të përgjithshëm të kryeministrit ndaj drejtësisë, e cila ka filluar prej kohësh, jo vetëm tani, që në disa plane të dëshmojë atë pavarësi ndaj pushtetit ekzekutiv.
I ka dalë nga duart për ato pjesë që ai ka menduar se mund ta ketë. Bile, edhe gjithë retorika që ka ngritur kryeministri për krizën e drejtësisë në tërësi. Është pak arbitrare, sepse bën bashkë barin e njomur me të thatin.
Edhe tani po mendojnë që t'ia vënë flakën të dyjave.
Parlamenti që në krye të herës, kur u pa se do kishte boshllëqe nga vetingu, Ministria e Drejtësisë duhet të merrte masa për të plotësuar vendet vakante dhe për disa çështje për t'i kaluar në forma tjera shqyrtimi, siç janë arbitrazhi, siç janë ndërmjetësimet. Pra, ata e lanë kështu pas dore këtë pjesën e stoqeve dhe ky është problem që është krijuar.
Reforma në drejtësi nuk është bërë për të zgjidhur problemet e vjedhjeve të vogla që bëheshin nëpër problemet e mospagimit të dritave. Është bërë për të luftuar pandëshkueshmërinë në sferat e larta”- tha Zogaj.
