TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dhjetëra qytetarë të Tiranës kanë nisur një marshim ditën e sotme në solidarizim me rastin e rëndë ku një 3-vjeçar humbi jetën pas trajtimit në një klinikë dentare në kryeqytet.
Qytetarë të shumtë janë mbledhur këtë të diel përpara klinikës private të Roland Xhaxhos në të cilën ndërroi jetë 3-vjeçari pas një ndërhyrjeje kirurgjikale në gojë.
Me pankarta në duar, qytetarët janë mbledhur për një tubim sensibilizues si dhe për të bërë homazhet e vogëlushit.
Qytetarët kanë shoqëruar marshimin e tyre me pankarta ku shkruhen mesazhe të ndryshme, mes të cilave edhe: Bluzat e bardha duhet të shpëtojnë jetë, jo të marrin.
Një familjare e viktimës 3-vjeçar Brian Spahiu është prononcuar për mediat dhe ka bërë thirrje për drejtësi.
‘Kjo që na ndodhi neve mos i ndodhtë askujt. Ai të marrë dënimin që meriton, se ne fëmijët se kemi më. Ai maskara po jeton me gjakun e djalit tonë. Duam drejtësi.’- tha familjarja.
‘Pse nuk flasin mjekët, po të ishte fëmija i tyre do flisnin’; ‘Bluzat e bardha janë të shpëtojnë jetë jo të marrin’; ‘Pse nuk reagon Urdhri i Mjekëve’ janë disa prej pankartave të qytetarëve të cilët janë duke zhvilluar një tubim sensibilizues në kujtim të vogëlushit 3-vjeçar Brian Spahiut.
Pas marshimit qytetarët kanë ndezur edhe qirinj në nder të të miturit që humbi jetën tragjikisht para disa ditësh.
Rasti tronditës i vdekjes së 3-vjeçarit si pasojë e një ndërhyrjeje kirurgjikale në gojë, është një ngjarje që padyshim ka alarmuar opinionin publik.
Mjekimi u bë në fund të shtatorit, por vdekja e 3-vjeçarit pak orë pas ndëhyrjes në 14 dhëmbë, pas anestezisë totale.
