TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Bashkëkryetari i Reformës Zgjedhore, Damian Gjiknuri ka dalë nga salla e bllokuar e nga deputetët e opozitës dhe në fjalën e tij për mediat u shpreh se mbledhja është e pamundur në zhvillohet në sallë, si pasojë e akteve vandale të deputetëve.
“E pamundur për t’u zhvilluar mbledhja. Edhe atë që predendojnë, Oerd Bylykbashin nuk e kanë sjellë dhe Alibeajn si duket nuk e kanë lejuar.
Për të ardhur keq, sepse opozita duhet të jetë e para, por është zgjedhja e tyre” tha fillimisht Gjiknuri.
I pyetur nëse mbledhja do të anulohet apo do të mbahet online, ai tha: “Do të ketë një njoftim. Nëse opozita nuk do të bëhet pjesë, do të gjejmë një mënyrë që Reforma që të ecë përpara.”
Komisioni i Reformës Zgjedhore nuk ka mundur të zhvillohet normalisht, pasi deputetë të opozitës kanë bllokuar sallën e mbledhjeve.
Deputetët demokratë, por edhe ata partive të tjera opozitare kanë zënë vendin e anëtarëve të Komisionit.
Ndërkohë një debat i ashpër është zhvilluar mes Flamur Nokës dhe bashkëkryetarit të Komisionit, Damian Gjiknuri.
Deputeti demokrat i tha kolegut të PS “mercenarë, nuk do lejojmë Ramaforme”.
Demokratët shprehen se ata kanë për bashkëkryetar Oerd Bylykbashin, duke mos pranuar Enkelejd Alibeajn.
