TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pasi Sekretari i FRPD-së Grigels Muçollari i bëri thirrje kryetarit të PD-së Lulzim Basha që të japë dorëheqjen nga detyra, reagoi ish-kryeministri Sali Berisha duke u shprehur: “Nuk e lejoj të japë dorëheqjen, por do ta heqim”.
Berisha shprehu konsiderata për kreun e FRPD-së Belind Këlliçi, duke thënë se ai i ka përfaqësuar të rinjtë demokratë me ndershmërinë dhe dinjitetin më të madh.
“Belind Këlliçi ju ka përfaqësuar ju me ndershmërinë dhe dinjitetin më të madh. I ka qëndruar besnik traditës familjare, ju, edhe në kohën kur ju bënë jashtë çdo lloj konteksti padrejtësitë më të mëdha. Edhe kur u përjashtua nga mundësia për tu përfaqësuar ju në Parlament, pa motiv tjetër përveç smirës sepse kryetari shihte potencialisht një njeri që mund ti zinte vendin. Belind Këlliçi nuk u lëkund nga ju”, tha Berisha.
Më herët në fjalën e tij Berisha deklaroi se Basha është kyçur në zyrën e tij dhe jep urdhra në telefon për uzurpimin e FRPD-së dhe organizatës së grave.
