TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka vazhduar fushatën në Vlorë ku ka zhvilluar një takim me pedagogë.
Gjatë fjalës së tij, kreu i qeverisë prezantoi disa shifra sa i takon arritjeve që Shqipëira ka bërë gjatë këtyre viteve, por edhe ambicia që ka për në vitin 2030.
Rama u ndal në disa sfera të ekonomisë së vendit, sic janë prodhimi i brendshëm bruto, pagat, investimet e huaja etj.
Rama: Këtu kemi prodhomini e brendshëm bruto, pra çfarë prodhon Shqipëria në totaliten e vet dhe ja ku ka qenë niveli i prodhimit të brendshëm të vendit dhe ja ku është sot, 2.5 më i lartë në një dekadë. Ja ku është edhe ambicia dhe projeksioni ynë për 2030, duke pasur parasysh të gjithë dinamikat e zhvillimit. Është një projeksion i bazuar në analizat e bërë.
Këtu kemi një projeksion të rritjes së prodhimit të përgjithshëm në rajon nga 2013 në 2024. Këtu janë shtetet e rajonit në momentin kur kemi marrë detyrën deri vitin e kaluar. Shqipëria ka nivelin më të lartë të prodhimit të përgjithshëm, sipas FMN. Nëse në rajon është rritur 64.9 %, në Shqipëri është rritur 106.9%.
Të ardhurat për frymë sot janë 3 fish më të larta sesa kur erdhën në pushtet. Në 2030, 15 mijë euro për frymë.
Papunësia është në nivelin më të ulët historik sot. Synimi ynë është që në nivelin e papunësisë ta kemi në mesataren e BE që është 6%.
332 euro ka qenë paga ku morëm detyrën sot është 840 euro. Jemi në 400 euro për pagën mesatare, më vendin e trettë në rajon. Në janarin e vitit të ardhshëm do shkojmë 500 euro pagën minimale. Projeksioni ynë për Shqipërinë 2030 është që të mos ketë pagë nën 650 euro.
Në rajon gjatë periudhës së krizës patëm nivelin më të ulët të inflacionit, por edhe këtu çmimet u rritën. Por po të shikoni Shqipëria ka nivelin më të ulët të inflacionit.
Sa i takon eksporteve kemi 3 fishin e eksporteve krahasuar me fillimin e punës sonë. Nga 2.8 në 9.1 miliard euro eksporte.
Tek investimet e huaja çdo krahasim me të kaluarën këtu është i tepër, ndërkohë që pasi dëgjoni shumë jo Maqedonia, Serbia, ky e ai, mesatarja e rajonit në investimet e huaja direkte është 6.1% e prodhimit të brendshëm, në Shqipëri është 8%.
Borxhi është një sfidë shumë e madhe. Sot jemi në nivelin 54 % dhe projeksioni ynë për Shqipërinë 2030 është që borxhin ta cojmë tek 50% që është një shifër normale dhe më mirë sesa mesatarja e BE.
