TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Neritan Sejamini thotë se fushata e socialistëve për zgjedhjet lokale është perfekte, me një mesazh të qartë për votuesit, të cilët ndikohen nga fushatat emocionalisht dhe jo racionalisht.
I ftuar në emisionin "Të Paekspozuarit" në MCN TV, Sejamini tha se fushata e Edi Ramës është profesionale, ndërsa deklaroi se fushata e opozitës nuk ka një temë apo mesazh kryesor dhe gjithashtu nuk merret me pikën e dobët të mazhorancës, që është betonizimi masiv në Tiranë.
"Fushata e PS është e akullt, profesionale dhe ka karakterisikat e çdo fushate moderne. Duhet të heqim dorë nga koncepti mbi fushatat. Ato janë art dhe ndikojnë njerëzit. Fushatat nuk janë proces drejtësie. Në fushatë fiton edhe i keqi. Nuk perceptohet si i miri dhe i keqi fushata.
Rama po bën fushatën perfekte dhe moderne. Në fushatë njerëzit nuk votojnë në mënyrë racionale, por emocionale. Qëllimi kryesor i tyre është ndikimi emocional.
Ramës nuk i duhen votuesit e opozitës, por ata që janë të lëkundur.
Fushata e Ramës ka një temë dhe mesazh. Tema është, e vjetra Berisha dhe Meta dhe e reja dhe vazhdimi jemi ne. Ai do të injorojë kandidatët dhe do të merret me Berishën dhe Metën.
Edhe zgjedhja e pemëve ka idene e jetës në subkoshiencën e njerëzve.
Përveçse gjelbërimi i ka ardhur si gjë fantastike, sepse opozita nuk po merret me betonizimin që është pika më e dobët e Ramës", tha Sejamini.
