TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një fluturim i linjës Ryanair, i nisur nga Tirana për në Manchester të Britanisë së Madhe, ka bërë ulje emergjente në Londër, pasi një pasagjer në bord ka ndërruar jetë.
Ende nuk është i njohur identiteti dhe kombësia e personit që humbi jetën dhe as rrethanat e ngjarjes, e cila ka ndodhur në mbrëmjen e së dielës.
Ekipet e emergjencës kanë zbarkuar në pistën e aeroportit Stansted, por pasagjeri është deklaruar i vdekur.
Avioni ndryshoi kursin për shkak të emergjencës shëndetësore në bord dhe u ul në Londër, ku e rrethuan ekipet e emergjencës. Fatkeqësisht pasagjeri nuk ka arritur të mbijetojë.
