TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputetja demokrate Jorida Tabaku në një deklaratë për mediet pas përfundimit të konferencës së Ramës për drejtësinë, u shpreh se është vetë kryeministri që po i bën presion SPAK dhe institucioneve të drejtësisë. Tabaku i bëri thirrje SPAK që të hetojë personat politikë në qeveri, ku sipas saj korrupsioni është i përfshirë në të gjitha degët. Ndërsa ligjin për investimet strategjike e cilësoi një ligj që favorizon një grusht njerëzish.
Tabaku: Ky ligj është korruptiv, ka dhënë favore në një grusht të qeverisë, po shpronëson pronën publike dhe private. Është bërë si ligji i ndarjes së favoreve të qeverisë. Duhet të vinte të jepte llogari për shkeljen e pronës publike dhe private. SPAK-un e inkurajoj të hetojë korrupsionin e përhapur në të gjithë qeverinë. Sot populli shqiptar do transparencë. Kërcënimi i institucioneve të drejtësisë që të bëjnë punën e tyre ndodh nga ata që kanë pushtet. Unë i inkurajoj të vazhdojnë me aferën e inceneratorëve dhe masakrën zgjedhore. Të vazhdojë hetimi i gjithë personave politikë që sot po kërcënojnë drejtësinë.
