TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti Ilir Meta, ka folur për aferën e inceneratorëve në emisionin "Të Paekspozuarit" në MCN TV.
Meta tha se koka e aferës është Edi Rama dhe se Këshilli i Ministrave, ka qenë qendra e një grupi të strukturuar kriminal.
"Afera e inceneratorëve është nga më të rëndat. Afera ka në krye të saj kryetarin e Këshillit të Ministrave. Asnjë vendim nuk kalon pa vendimin e Këshillit të Ministrave. Unë kam qenë vetë kryeministër.
Kjo është një vepër kriminale, e një grupi të strukturuar kriminal, me qendër në Këshillin e Ministrave. Është kundërshtuar nga ministra të caktuar por pastaj kanë ndryshuar mendim.
Aty ka shkelje shumë të rënda.
Implikohet shumë rëndë kryetari i Bashkisë së Tiranës, që ka rrëmbyer kompetencat e Këshillave dhe shumë aktorë të tjera.
Në raport me Leftër Kokën, nuk ka asgjë personale. Askush nuk e ka ditur thellësinë e kësaj afere. Në vitin 2017 kur unë jam bërë president, zotëria më ka ardhur dhe ka ngritur problemin se përse këta të LSI nxjerrin problemin e inceneratorëve. I kam thënë nëse janë probleme të qytetarëve, s’kanë si të mos i ngrejnë. Marrëdhëniet e tij me mua ishin këputur dhe me LSI-në, sepse ai gjithmonë kishte këtë shqetësimin për të mos u hapur një çështje e tillë, që nuk dihej se ishte me këto përmasa.
Nuk ka patur lidhje me zotërinë. Unë e kam denoncuar para zgjedhjeve, sepse u krijua situatë në Durrës që njerëzit e tij ushtronin dhunë ndaj vajzave, etj. Nuk jam marrë më sepse ka patur një problem shëndetësor vëllai i tij, që ka ndërruar jetë.
Koka e gjithë kësaj historie është në Këshillin e Ministrave. Këtu kemi të bëjmë me një drejtësi me regji. Kryesorët janë jashtë dhe dirigjojnë këtë lojë. E shfryjnë këtë pakënaqësi me idenë se po bëhet diçka. Si në rastin Tahiri, që e dimë kush ishte koka dhe frymëzuesit.
