TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ilir Meta ka qenë i ftuar në emisionin "Të Paekspozuarit" në MCN TV, ku ka folur edhe për aferën e inceneratorëve dhe Lefter Kokën, ish ministrin e Mjedisit, që fillimisht militonte në LSI, para se të kalonte me Partinë Socialiste.
Meta tha se e ka këshilluar Kokën dhe ministrat e tjerë, të kenë kujdes kur firmosin pasi "Rama nuk e di rëndësinë e ligjit dhe të letrave".
Ai shtoi se Koka ka vepruar me "bekimin e Edi Ramës", duke iu referuar firmave të hedhura për inceneratorët.
"Lefteri po bën shërbimet e veta ndaj Edi Ramës për gjërat e veta.
Lefterit dhe të gjithë ministrave që kam emëruar unë, u kam thënë hapni sytë kur firmosni, kini kujdes dhe mos e dëgjoni atë, sepse ai nuk e di rëndësinë e ligjit dhe të letrave. Se çfarë ka firmosur ai, e di vetë ai.
Çështja e inceneratorëve, u krijua me problemin e Fierit, që dilnin njerëzit. I kam thënë, zotëri nëse janë bërë në kundërshtim me rregullat, mos më ngatërro mua me këtë histori. I kam ndërprerë marrëdhëniet me të, 3-4 muaj para se të digjte mandatet opozita.
Nuk kishim përgjegjësi të merrnim në mbrojtje një njeri që ka bërë letrat me bekimin e Edi Ramës.
Mos e di budalla Shkëlqim Canin, që nuk pranoi të bëntë këto gjëra?
Karriken e zë dikush tjetër, por firma mbetet aty", tha Meta.
