TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy persona ende të paidentifikuar në fshatin Goriçan të Dimalit, të cilët dyshohet se kishin siguruar çelësin e derës së banesës së shtetasit me iniciale P.Xh., 64vjeç, kanë hyrë brenda shtëpisë së tij dhe kanë vjedhur shumën prej 150 mijë lekësh të rinj dhe telefonat celularë.
Lajmin e bëri të ditur policia përmes një njoftimi, ku thuhet se po punohet për zbardhjen dhe dokumentimin e plotë të ngjarjes dhe kapjen e autorëve.
Reagimi i policisë:
Dimal/Informacion paraprak
Gjatë natës, në fshatin Goriçan, Dimal, dyshohet se shtetas ende të paidentifikuar, të cilët kishin siguruar çelësin e derës së banesës së shtetasit P. Xh., 64 vjeç, kanë hyrë në këtë banesë, duke hapur derën me çelës, dhe kanë marrë rreth 150 000 lekë të rinj, telefonat e të zotëve të banesës dhe janë larguar.
Menjëherë pas njoftimit për këtë rast, shërbimet e Policisë kanë shkuar në vendin e ngjarjes. Grupi hetimor, nën drejtimin e Prokurorisë, po punon intensivisht për zbardhjen dhe dokumentimin e plotë të rrethanave të ngjarjes dhe identifikimin e autorëve.
Vijojnë kontrollet në terren dhe në ambiente të ndryshme, me qëllim kapjen e autorëve dhe vënien e tyre përpara përgjegjësisë penale.
