AKTUALITET, 9 Dhjetor 2023, 20:42

Fuoristrada përplas një mjet triçikël, lëndohet drejtuesi i kësaj të fundit. Ja shkaqet e dyshuara

Fuoristrada përplas një mjet triçikël, lëndohet

Një aksident ka ndodhur në aksin Berat – Dimal, ku një fouristradë ka përplasur një mjet triçikël, duke e nxjerrë këtë të fundit nga rruga.

Si pasojë e këtij aksidenti është lënduar lehtë drejtuesi i mjetit triçikël.

Mësohet se fouristrada dhe mjeti triçikël ishin dukë lëvizur në të njëjtin sens lëvizjeje.

Drejtuesi i triçikëlit, është transportuar me ambulancë në Spitalin Rajonal të Beratit  për të marrë shërbimin mjekësor.

Në vendin e ngjarjes kanë shkuar efektivët e policisë dhe po punojnë për zbardhjen e shkaqeve të aksidentit.

Burimet policore konfirmojnë paraprakisht se shkak për aksidentit është bërë mungesa e ndriçimit të rrugës si dhe mungesa e sinjalistikës së prapme të triçiklit.