TEJ E KETEJ, 23 Nëntor 2022, 19:57

Frrok Çupi: Në 6 dhjetor, nga protesta e Berishës, nis Lufta III Botërore!

Frrok Çupi: Në 6 dhjetor, nga protesta e Berishës, nis Lufta

Frrok Çupi ka bërë sot deklaratën, që ka lënë me gojë hapur, jo vetëm të madh e të vogël, por edhe të gjithë kafshërinë dhe shpezërinë e botës ku jetojmë. 

Ai thotë se në protestën e paralajmëruar nga opozita në 6 dhjetor fshihet dora e Rusisë dhe se mund të nisë Lufta III Botërore! 

Duke mos patur fuqi shpjeguese por edhe interpretuese të kësaj deklarate me përmasa globale, ju lutemi lexojeni çfarë ka thënë zotni Frrok Çupi në televizionin Euronews të Shqipërisë. 

“Pyetja është emergjente, jo më para qeverisë së Tiranës po para BE: do ta lejojmë Rusinë të turbullojë një samit të BE në Tiranë, të bëjë shantazh dhe ndoshta agresion në Tiranë, që të vrasë një nga liderët e Europës që të fillojë Luftën e Tretë Botërore në Tiranë? A do të fillojë lufta botërore në datën 6 dhjetor në Tiranë apo jo? E dini që luftëra të tëra kanë nisur në Evropë, në Ballkan, ndodhemi para një rreziku të tillë. Ajo protestë mban në vetvete rrezikun shumë të madh të eksplozionit në Evropë për shkak të ndërhyrjes së Rusisë dhe Iranit”, tha Çupi.