TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Është finalizuar me sukses operacioni policor i koduar “END”, i zhvilluar nga Komisariati i Policisë Nr. 3 në Tiranë, me qëllim kapjen e personave të shpallur në kërkim për krime të rënda.
Në kuadër të këtij operacioni u bë arrestimi i shtetasit Klement Zguro (Kaçolli), 43 vjeç, banues në Tiranë, i cili ishte shpallur në kërkim për veprën penale të “vrasjes me dashje” dhe “armëmbajtjes pa leje”.
Zguro ishte dënuar nga Gjykata e Apelit Korçë me 11 vite burgim, nga të cilat i kanë mbetur edhe 8 vite e 11 muaj për të vuajtur. Arrestimi i tij u bë në rrugën “Mikel Maruli”, pas një pune të mirëorganizuar dhe informacioneve të siguruara në rrugë operative nga strukturat e policisë.
Pas kapjes, 43-vjeçari iu dorëzua Drejtorisë Vendore të Policisë Korçë për procedurat e mëtejshme ligjore.
Operacioni “END” është pjesë e aksioneve të vazhdueshme të Policisë së Shtetit për kapjen e personave me rrezikshmëri të lartë dhe për forcimin e sigurisë në komunitet.
