TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një alarm për bombë është dhënë mbrëmjen e sotme në parkingun e një hoteli në rrugën “Abdi Toptani” në qendër të Tiranës.
Rreth orës 19:35, një punonjëse e hotelit njoftoi policinë për një telefonatë anonime ku informohej për vendosjen e një sasie eksplozivi në zonën e parkingut të hotelit.
Menjëherë në vendngjarje mbërritën forca të shumta policore, të cilat rrethuan zonën dhe evakuuan të gjithë klientët dhe stafin për sigurinë e tyre.
Gjithashtu u njoftuan forcat xheniere për të kontrolluar dhe verifikuar praninë e ndonjë eksplozivi. Hetimet për këtë alarm vijojnë dhe policia premton informacion të mëtejshëm pas përfundimit të tyre.
NJOFTIMI I POLICISË:
Tiranë/Informacion paraprak
Rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën “Abdi Toptani”, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli.
Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit. Gjithashtu janë njoftuar forca xheniere për kontrollin dhe verifikimin e informacionit.
Në përfundim të kontrollit dhe veprimeve hetimore do të keni një informacion me të detajuar për rastin.
