TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Identifikohet pas 8 ditësh, 40-vjeçari i cili u gjet i pajetë në plazhin Ndërnënas në Fier. Sipas News24, 40-vjeçari është identifikuar si Artur Buzhiqi.
I riu nga Durrësi ishte shpallur i zhdukur nga familjarët e tij më 9 korrik. Buzhiqi është babai i tre fëmijëve dhe hera e fundit që u pa nga familjarët ishte pranë zonë së quajtur “Ura e Dajlanit” në qytetin bregdetar.
Lajmi për vdekjen e tij u konfirmua edhe nga e motra Rajmonda Buzhiqi, e cila e tronditur ngriti dyshimet se i vëllai mund të jetë vrarë.
“Trupi i pajetë i gjetur në Fier fatkeqësisht i përket vëllait tim. E dërguan në Laç, nuk di më shumë sepse jam e tronditur. Duhet të verifikohet mesazhi kërcënues, që i erdhi vëllait tim se që atë ditë ai nuk u kthye më. Jam e sigurt që e kanë vrarë, sepse Arturi gjithnjë ka dalë vetëm dhe është kthyer në shtëpi. Ai personi është shprehur se nëse do ta shihte Arturin do ta bënte për spital, sepse sipas tij i kishte rrahur vëllain. Ai është peshkatar në Durrës dhe Arturi në Durrës ka humbur. Vëllai nuk ka qenë në atë gjendje që të vriste veten”, tha ajo për mediat.
Ndërkohë policia në njoftimin e saj sqaron:
“Në vijim të informacionit paraprak të dhënë në datë 13.07.2022, ku në plazhin e fshatit Ndërnënas, Fier, në breg të detit, është gjetur i pajetë, një shtetas rreth 40 vjeç, është bërë i mundur identifikimi i tij, shtetasi A. B., 40 vjeç, banues në Durrës, i cili është shpallur në kërkim në datë 10.07.2022 nga Komisariati i Policisë Durrës për largim nga banesa”.
