TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Tiranës ka vënë në pranga Eldi Allushi, i cili dyshohet se mëngjesin e sotëm shkaktoi aksidentin te diga e Liqenit Artificial.
26-vjeçari që në orët e para të mëngjesit, dyshohet se doli nga rruga me një makinë luksoze dhe u përplas tek bordurat mbrojtëse të liqenit.
I riu nga Durrësi, me shpejtësi skëterrë është ngjitur sipër kodrës e më pas ka përplasur mjetin "BMW" me bordurën e digës së Liqenit Artificial të Tiranës.
Pas përplasjes, u largua nga vendi i ngjarjes, duke marrë me vete edhe targën.
Njoftimi nga policia
Rreth orës 15:00 të ditës së sotme, Policia e Qarkullimit Rrugor Tiranë ka arritur të lokalizojë dhe shoqërojë në komisariat shtetasin E. A., pronar i automjetit BMW X6, i cili mëngjesin e sotëm, rreth orës 05:15, është përplasur në bordurën mbrojtëse në skarpatin e digës së Liqenit Artificial.
Pronari i mjetit do t’i nënshtrohet verifikimeve dhe hetimeve të mëtejshme mbi rastin.
