TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Vlorës ka dhënë masën e sigurisë “Arrest me burg” për Shazi Ahmetajn dhe Mateo Kiptiun, dy personat e dyshuar si të përfshirë në vrasjen e 46-vjeçarit Altin Alikaj, më 19 shkurt.
Shazi Ahmetaj, 23 vjeç, banues në Kolonjë, Lushnjë, me precedent të mëparshëm kriminal në fushën e narkotikëve dhe të vjedhjes, dyshohet se është autori i ngjarjes së rëndë. Ndërkohë që Mateo Kiptiu, 30 vjeç, banues në Kolonjë, Lushnje, akuzohet për veprën penale “Përkrahja e autorit të krimit”.
“Shtetasi Shazi Ahmetaj, dyshohet si autor i vrasjes se shtetasit Altin Alikaj, i cili u gjet pa shenja jete në banesën e tij, ndërsa shtetasi Mateo Kiptiu, dyshohet se ka ndihmuar autorin për t’u fshehur, duke i siguruar një mjet të marrë me qira për lëvizjen e tij”, u bë me dije nga Policia e Shtetit në momentin e arrestimit.
Alikaj u gjet në banesën e tij pa shenja jete nga e ëma që ishte kthyer nga Greqia e shqetësuar për fatin e të birit që kishte ditë i humbur.
Puna e grupit hetimor vijon për të zbardhur motivet e kësaj vrasjeje.
