TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetari Artan Hoxha ka hedhur akuza të forta ndaj institucioneve në Shqipëri, pasi ka deklaruar se policia e prokuroria nuk e kanë përdorur të gjithë rrëfimin e vrasësit të penduar, Julian Sinanaj.
I ftuar në “Opinion”, Hoxha tha se Sinanaj i kishte shkuar në redaksi para se të rrëfehej për uniformat blu dhe se ai e ruan ende një kopje të regjistrimit, ku sipas tij janë thënë gjëra shumë të forta që ende nuk janë zbuluar.
E pikërisht moskonsiderimi i këtyre deklaratave të forta ka bërë që marrëveshja mes drejtësinë shqiptare e Sinanajt të prishej.
“Shiko si është rasti konkret, personi na erdhi në redaksi, bëmë disa verifikime, një prej tyre i krimeve.
I them më ka ardhur njëri këtu e më thotë këto gjëra. Ai mbase u tremb dhe më tha mos u merr me të sepse s’është në rregull.
Ai mendonte se do ta vriste, ndjente rrezikun. I lëshojmë gazetaren që kishim në redaksi dhe i themi merru ti me këtë.
I dhamë makinën e redaksisë por nuk arritën dot në destinacion sepse na e mori policia. Jo sepse s’e dinin, por para se të fliste për policinë, do e nxirrnim në media.
Pse u prish marrëveshja me Julian Sinanajn?
Është vrasësi më i trajnuar. Sepse unë e kam një regjistrim të asaj që ka thënë por që do të hapte shumë probleme.
Policia dhe prokuroria kanë marrë atë që kanë dashur ata dhe i kanë thënë ‘stop, deri këtu, këto të tjerat mbaji për vete’. Ai ka rrëfyer gjëra shumë të forta,”- tha Hoxha.
