TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish- kryeministri Sali Berisha këtë të hënë ka paralajmëruar zhvillimin e një proteste për ardhjen e presidentit të Serbisë Aleksandër Vuçiç në vendin tonë.
Berisha përmes një postimi në rrjetin social Facebook, ka renditur dhe katër arsyet se pse qytetarët duhet që të marrin pjesë në këtë protestë.
Një ndër arsyet që ai thekson është se Vuçiç është ministër i Millosheviçit dhe nuk ka kërkuar falje për krimet e bërë ndaj shqiptarëve të Kosovës.
Sipas Berishës këto janë edhe katër arsyet:
1. Vuçiç është ministër i Millosheviçit. Ai akoma nuk ka kërkuar falje për krimet e kryera ndaj shqiptarëve nga Serbia dhe vazhdon ta ndjekë politikën e shefit të tij!
2. Ballkani i Hapur është projekt që e rrit dhe forcon Serbinë dhe planet e Serbisë së Madhe andaj nuk duhet lejuar asesi që të konkretizohet!
3. Edi Rama po bëhet pjesë e këtyre agjendave dhe është bërë një kukull e Vuçiçit, andaj duhet ta ndalim para se të bëhet vonë.
4. Kosova ka akoma plagë të hapura, për të cilat Vuçiç është nga përgjegjësit kryesorë. Përveç kësaj, ai edhe mohon krimet, masakrat dhe gjenocidin e kryer ndaj shqiptarëve të Kosovës në lufte, andaj nuk është i denjë që të pritet në Tiranë e aq më pak që të bashkëpunohet me të.
