TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kandidati i koalicionit “Bashkë Fitojmë” për bashkinë e Durrësit, Igli Cara tha se betejën nuk e ka me Emiriana Sakon por me Vangjush Dakon. Gjatë një interviste për Abc News ai tha se duhet të ndryshojë filozofia e trajtimit të bashkisë dhe jo sikur të jetë një pronë e kryetarit.
“Së pari, betejën se kam thjesht me Sakon por dhe me Dakon, jo personalisht por për filozofinë e drejtimit të bashkisë së Durrësit. Bashkia ka kohë që drejtohet sikur ta kenë pronë të tyren. E trajtojnë sikur e kanë të veten. Filozofia është të mos e trajtosh si ta kesh pronë por ta kthesh në shërbim të qytetarëve. Pronarët e vërtetë janë qytetarët.
Ditën që ata votojnë është dita që ata të firmosin je apo jo administrator i tyre por nuk je pronar i tyre. Në këto 16 vite të Dakos dhe 4 vite të Sakos, ku duket që është përsëri Dako mbrapa, është e njëjta filozofi. Vetëm një grup njerëzish që marrin përfitime, investime pa kriter.“, tha ai.
