TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Blendi Fevziu, ka qenë i ftuar në emisionin "Të Paekspozuarit" në MCN TV, ku ka folur për humbjen dërrmuese të Partisë Demokratike në zgjedhje, ku Lulzim Basha e shndërroi atë në forcë të tretë.
Fevziu foli edhe për rolin e ambasadorëve dhe investimin e tyre për Bashën, të cilin e konsideori "të gabuar".
Pjesë nga biseda:
Ylli Rakipi: A ishin këto zgjedhje një test edhe për Yuri Kim që bëri thirrje të mos votohen non-gratat?
Blendi Fevziu: Nuk është hera e parë që përfshihet një ambasadore. Ju kujtoj Donald Lu, që doli dhe tha për tre kryebashkiakë, mos i votoni por ata u zgjodhën. Zonja Kim i ka qëndruar qëndrimit të SHBA. Ishte kërkesë e SHBA-ve, që i kërkoi Bashës largimin e Berishës nga grupi parlamentar.
Ylli Rakipi: A ka humbur ambasada amerikane ndikimin që ka patur tek shqiptarët? Duket që shqiptarët nuk e kanë dëgjuar ambasadoren.
Blendi Fevziu: Prandaj ju përmenda Donald Lu-në. Influenca e ndërkombëtarëve në Shqipëri, është e mbivlerësuar në nivele të caktuara, por nuk është reale. Në fund vendosin votuesit shqiptarë.
Ylli Rakipi: Ambasadorja mbështet Luli Bashën.
Blendi Fevziu: Po më pyete a po mbështetet Basha, unë e konsideroj mbështetjen e Bashës nga të gjithë ambasadorët, një investim i gabuar, një investim që nuk i ka sjellë asnjë avantazh PD-së, por ka krijuar probleme të brendshme. Basha duhet të dalë vetë në betejë dhe nuk ka nevojë për babysitter!
Ylli Rakipi: Nuk është e mundur që kjo zonja të dalë dhe të caktojë, që duhet të keni këtë kryetar opozite. Ky është një derdimen. I ka dhënë çelësat dhe vulën dhe ajo e mban sot.
