TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një zjarr i përmasave të konsiderueshme përfshiu pasditen e kësaj të premteje zonën e Qukës-Shkumbinit, në bashkinë Prrenjas, duke krijuar rrezik për banesat pranë vatrës së zjarrit.
Pas njoftimit nga banorët, kryeplaku dhe administratori i zonës, shërbimet zjarrfikëse të Prrenjasit dhe Librazhdit mbërritën në terren dhe nisën menjëherë punën për izolimin e flakëve. Në operacion u angazhua edhe Policia e Shtetit.
Situata u menaxhua përmes bashkëpunimit të strukturave lokale me Ministrinë e Mbrojtjes dhe Prefekturën e Qarkut Elbasan.
Ndërhyrja e shpejtë bëri të mundur vënien nën kontroll të zjarrit dhe shuarjen e vatrave, duke shmangur përhapjen e flakëve drejt zonës së banuar. Si pasojë, u parandalua dëmtimi i dhjetëra banesave që ishin rrezikuar nga zjarri.
Ekipet vijojnë monitorimin e zonës për të shmangur riaktivizimin e flakëve, ndërsa mbetet për t’u përcaktuar shkaku i rënies së zjarrit.
