Trajneri i Chelsea, Antonio Conte shkaktoi të qeshura në konferencën për gazetarët të mërkurën. Në mes të deklaratës së tij bie zilja e telefonit dhe trajneri italian kërkoi ndjesë për ndërprerjen.
Duke e mbyllur telefonin ai tha: “Ishte gruaja ime. Gjithmonë në momentin e gabuar. Më falni! Më falni sepse edhe unë do të mërzitesha nëse do t’i ndodhte njërit nga ju”.
Njëri prej gazetareve e ngacmoi: “Ju kujtoi të blinit qumështin?”
“Po” – tha Conte duke qeshur.
