VIDEO/ Maradona dështon sërish me Doradosin, i pirë jep deklaratën e madhe

---

Nuk është e thënë që të ndodhë mrekullia, ose Diego Armando Maradona e ka humbur "bekimin e Zotit" në karrierën e tij si trajner. Ekipi i tij i Dorados nuk ia doli mbanë të ngjitet në eliten e futbollit meksikan. Trajneri Maradona, ashtu si në "play-off"-et e kaluara arriti të siguronte finalen, por nuk arriti të fitojë. Atletico San Luis e mposhti Doradosin në finale pas 210 minutash lojë. Ndeshja e parë përfundoi 1-1 në fushën e Dorados, ndërsa takimi i dytë 0-0. U desh shtesa që të vendosej fati i takimit dhe aty ekipi i San Luisit u tregua më i saktë dhe shënoi për të mbyllur finalen 1-0 dhe të sigurojë ngjitjen në elitë. Maradona deklaroi se do të largohej në fund të sezonit, pasi ekipi i tij dëmtohej nga gjyqtarët me qëllim duke qenë se ishte ai në krye të stolit.

La reacción de Diego Maradona al abandonar el estadio Alfonso Lastras@Dorados @AtletideSanLuis @AscensoMX #Maradona @El_Universal_Mx @UnivDeportes pic.twitter.com/33WZqKVoXF

— CHRISTIAN MENDOZA (@Che13_Mendoza) May 6, 2019

Një tjetër aventurë që nuk mbyllet me sukses për të. Argjentinasi dhe trajningu janë dy fusha që nuk përshtaten, pasi legjenda e futbollit e ka treguar se nuk ka arritur suksese në asnjë ekip që ka drejtuar. Trajneri foli pas ndeshjes: "Pothuajse vdiqa, por jam mirë. Jam shumë i mërzitur për djemtë", - tha ai shkurtimisht, pasi dhe gjendja e tij nuk ishte e duhura. Maradona duket se nuk ka hequr dorë nga pija.