AKTUALITET, 4 Korrik 2019, 18:01

U vra me bukë në dorë, familja Hasalliu hap dyert e mortit për viktimën në Kavajë

Familja Hasalliu ka hapur dyert e mortit pas vrasjes së të afërmit të tyre Ramazan Hasalliu. 50-vjeçari u vra paraditen e sotme pasi u ndodh mes plumbave të përplasjes së dy bandave.

Hasalliu kishte blerë bukë dhe u vra gabimisht teksa dilte nga furra. AI nuk arriti ta çonte bukën në shtëpinë e tij.

Ditën e sotme, Kavaja është tronditur nga një ngjarje e rëndë, ku pas një përplasje mes bandash një 50 vjeçar Ramzan hasalliu ka mbetur i vdekur dhe shtatë të tjerë janë plagosur.

Njëri prej tyre është transportuar me urgjencë në Tiranë. Dy vëllezërit Eljo dhe Eraldo Hyka janë dy autorët e parë të identifikuar për ngjarjen, dhe janë shpallur në kërkim.

Ndërkohë që shkaqet janë ende mister.