TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kolegji i Shqyrtimit Paraprak të Ankimit nuk e ka pranuar kërkesën për ankimim nga çifti i prokurorëve Rovena Gashi dhe Dritan Gina, të cilët u pezulluan nga detyra me urdhër të kryeprokurores Arta Marku.
Në njoftimin e KPA, thuhet se është vendosur që të moskalohet për shqyrtim në seancën plenare për këtë çështje. Kujtojmë se bashkëshortët Gashi dhe Gina ankimuan vendimin e Markut në qershor. Vendimi për pezullim nga ana e kryeprokurores Arta Marku erdhi për shkak të refuzimit të deklarimit të pasurisë.
NJOFTIMI I KPA
Kolegji i shqyrtimit paraprak të ankimit, me vendimin nr. 2/2018 (JD), datë 21.06.2018, bazuar në nenin 31, nenin 31/a, paragrafi 2, germa “a”, si dhe në nenin 71/a të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar, vendosi:
Moskalimin për shqyrtim në seancë plenare të çështjes nr. 2/2018 (JD), datë 17.05.2018 me palë ankuese znj. Rovena Gashi dhe z. Dritan Gina.
Objekt i këtij ankimi ishte “anulimi i vendimit nr. 140, datë 11.05.2018 të Prokurores së Përgjithshme të Përkohshme Arta Marku dhe anulimi i vendimit nr. 141, datë 11.05.2018 të Prokurores së Përgjithshme të Përkohshme Arta Marku etj.”.
Kolegji i shqyrtimit paraprak, i caktuar me short, ishte i përbërë nga Ina Rama relatore, Rezarta Schuetz dhe Luan Daci anëtarë.
