TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pak minuta më parë në qendër të qytetit të Rrëshenit është ekzekutuar me armë zjarri 48-vjeçari Tonin Gjini (Armando Gjini) , i njohur si ushtari i bandës së Met Kananit. Ende nuk dihen rrethanat e kësaj ngjarje të rëndë.
Policia ndodhet në vendin e ngjarjes dhe po punon për identifikimin e autorëve. Në rrugët hyrëse dhe dalëse të qytetit janë vendosur postblloqe.
Më 6 maj të këtij viti viktimës i është vënë tritol në mjetin e tij. Ai bashkë me familjen e tij shpëtoi mrekullisht pasi pikasi lëndën shpërthyese para se të futej në mjetin e tij. Sasia e eksplozivit i ishte vendosur në sedijen e pasme të makinës.
Ai njihet si person me precedent të mëparshëm penal. 48-vjeçari u arrestua vitin e kaluar në datën 12 maj si pjesë e grupit të baronit të drogës, Met Kanani, por qëndroi vetëm katër ditë në burg.
Njoftimi paraprak i policisë:
Në qytet Rrëshen, në rrethana ende të paqarta, është vrarë me armë zjarri shtetasi A.Gj. vjeç 48, banues në Rrëshen.
Grupi hetimor në vendngjarje vazhdon hetimet për zbardhjen e plotë të rrethanave të ngjarjes.
Janë ngritur pika kontrolli si dhe po bëhet krehja e zonës me qëllim kapjen e autorit.
