TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i SHBA-ve, Donald Trump, do të takohet me udhëheqësin e Koresë së Veriut, Kim Jong-un, në fund të shkurtit, njoftoi Shtëpia e Bardhë pas bisedimeve me të dërguarin e Koresë së Veriut në Uashington.
Nënkryetari i Koresë së Veriut, Kim Yong Chol vizitoi Uashingtonin të premten dhe thuhet se, kaloi pothuajse dy orë në Shtëpinë e Bardhë.
Trump u takua me të dërguarit për një orë e gjysmë, “për të diskutuar denuklarizimin dhe samitin e dytë, i cili do të zhvillohet në fund të shkurtit,” tha Shtëpia e Bardhë në një deklaratë. Vendndodhja e samitit do të “shpallet në një datë të mëvonshme”.
Edhe pse Pyongyang nuk ka testuar një raketë tjetër që nga fundi i vitit 2017 dhe ka shkatërruar një nga vendet e testimit pas samitit të Singaporit, Pentagoni vazhdon ta trajtojë atë si një “shtet mashtrues” dhe kërcënim potencial që kërkon investime masive në mbrojtjen e raketave.
Koreja e Veriut kryesonte listën e kërcënimeve në Shqyrtimin e Mbrojtjes së Raketave të SHBA të publikuara të enjten, përpara Iranit, Rusisë dhe Kinës.
