TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Grupit Parlamentar të Partisë Socialiste, duket se kërkon të marrë vetë në fre hetimet për akuzat që ka bërë ish nënkomisari Emiljano Nuhu. Ai i ka dërguar një shkresë zyrtare kompanisë telefonike, ku është abonent, për të zbardhur qelizat telefonike që vërtetojnë vendndodhjen e tij në datën 21 Korrik.
Burime të ABC News konfirmuan se shkresa zyrtare e Ballës ka mbërritur në kompaninë celulare në të cilën është abonent. Objekti i kësaj kërkese është zbardhja e vendodhjes së qelizës telefonike të aparatit të tij celular për datën 21 korrik, datë kur Nuhu pretendon se Balla ka qenë i pranishëm në zyrën e tij në Stacionin Policor të Fushë Krujës.
Por ka një problem, në këtë kompani telefonike punon edhe gruaja e Taulant Ballës, Iris Pekmezi Balla, e cila mban postin e drejtores së Drejtorisë Juridike dhe të Dhenave Personale të “Telekom Albania”. Pra, zoti Balla po i kërkon gruas zbardhjen e qelizave telefonike. Se cili do të jetë rezultati i kësaj kërkese, nuk do shumë mend për ta kuptuar.
Por nuk është ky i vetmi problem i kërkesës së Taulant Ballës. Kërkesën për marrjen e qeliza telefonike celulare nuk mund ta bëjë dot një qytetar, qoftë ky edhe deputet. Sipas ligjit vetëm prokuroria mund të kërkojë qelizat telefonike nga një kompani celulare, kështu që kërkesa e Ballës është minimumi e paligjsshme dhe qesharake pasi i drejtohet gruas së tij.
