TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Futbolli është në zi pas lajmit të djeshëm se Diego Armando Maradona ndërroi jetë. Homazhet dhe mesazhet drejt tij ishin të panumërta, ku nuk munguan as në qytetin e Napolit. Shumë njerëz u mblodhën në stadiumin “San Paolo” për nder të ish-kapitenit të tyre, i cili i udhëhoqi ata në dy titujt e vetëm që kanë në historinë e tyre.
Nuk mungoi as një koment nga Kryetari i Bashkisë së Napolit, Luigi De Magistri, i cili kërkon ndryshimin e emrit të stadiumit. “Ne do ta riemërtojmë stadiumin “San Paolo” në nder të Diego Armando Maradonës”, shkruan italiani në “Twitter”. Ndërsa Presidenti i klubit napoletan ka një tjetër ide dhe mendon se mund ta quajnë “San Paolo-Maradona”.
Një gjest shumë i bukur për të ndjerin erdhi dhe nga klubi i tij i fëmijërisë, Boca Juniors. Drejtuesit vendosën që të fikeshin të gjitha dritat e stadiumit të tyre dhe të qëndronte ndezur vetëm drita e dhomës që Maradona kishte në stadium dhe qëndronte gjithmonë. Një veprim për t’u duartrokitur.
https://twitter.com/demagistris/status/1331653371338567683?ref_src=twsrc%5Etfw%7Ctwcamp%5Etweetembed%7Ctwterm%5E1331653371338567683%7Ctwgr%5E%7Ctwcon%5Es1_&ref_url=https%3A%2F%2Fabcnews.al%2Fstadiumi-i-napolit-me-emrin-e-diegos-zbulohet-propozimi-i-kryetarit-te-bashkise%2F
