TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tani është praktikë e zakonshme te Reali i Madridit që çdo verë të shesë gjysmën e të drejtave të lojtarëve të rinj, gjë që shërben gjithashtu për dy objektiva kryesorë: të rrisë arkën e tij dhe të mos i humbasë plotësisht në rast se, siç ka ndodhur ndonjëherë, duhet t’i rikthejë ata në skuadër.
Edhe këtë verë nuk ka pasur ndryshim në strategjinë e klubit dhe shitja e fundit e Çema Andres te Shtutgarti, për të cilën Reali arkëtoi 3 milionë euro, e konfirmon më tej këtë. Përveç transferimit të mesfushorit, ka edhe marrëveshje për Jusi Enrikez tek Alavesh (3 milionë euro), Viktor Munjoz tek Osasuna (5 milionë euro), Alvaro Rodrigez tek Elçe (2 milionë euro), Marvel te Leganés (800,000 euro) dhe Rafa Obrador te Benfika (5 milionë euro).
Në listë që mund të shtohet në ditët në vijim edhe me emra të tjerë. Mario Martín ka një marrëveshje me Getafen, kurse Jakobo Ramón është shumë afër marrëveshjes me Çesk Fábregas te Komo. Kështu, edhe pa përfshirë transaksionet më të fundit të përmendura, Madridi do të fitojë rreth 18.8 milionë euro këtë verë nga shitjet, që përfshin edhe mbajtjen e 50% të të drejtave për secilin prej lojtarëve.
Padyshim, kjo është një marrëveshje me përfitim të ndërsjellë, pasi Reali fiton para ndërsa zvogëlon skuadrën e tij. Ekipet e tjera që kanë nënshkruar me lojtarë të rinj, janë forcuar dhe lojtarët kanë mundësinë të garojnë në nivelin më të lartë dhe të mos luajnë më për Real Madrid Castilla, që po përpiqet të arrijë futbollin profesional në Divizionin e Dytë.
