TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edhe fillimi i ndeshjes në të gdhirë të së shtunës (03:00) nuk e ndaloi presidentin e nderit të Bajernit, Uli Hënes, të ndiqte ekipin e tij të luante kundër Boka Xhuniors. Ai e vlerësoi ekipin për paraqitjet e deritanishme në turneun në SHBA.
“Jam shumë i kënaqur me performancën e ekipit tonë. Në ndeshjen e parë, luajtëm shumë seriozisht kundër një kundërshtari të dobët; duhet të shënosh dhjetë gola më parë – tha 73-vjeçari, duke vlerësuar ndeshjen hapëse kundër Okland Siti – Boka ishte një ndeshje krejt tjetër, Ishte një përballje mjaft e vështirë. Por Bajerni ka luajtur shumë mirë, më duhet ta pranoj. U impresionova veçanërisht nga performanca e ekipit tonë në pjesën e parë”.
Me dy fitoret e arritura në dy ndeshjet e para në grup, Bajerni i Mynihut u bë skuadra e parë, që siguroi një vend mes 16 më të mirave në Kupën e Botës për Klube. Hënes nuk e ka harruar faktin se shumë nga ekipet kryesore të Evropës kanë pasur vështirësi kundër rivalëve nga Brazili dhe Argjentina deri më tani në këtë turne. Duke vazhduar më tej, Hënes do t’i kushtojë vëmendje të veçantë mënyrës se si skuadra performon dhe përfaqëson ngjyrat e Bajernit në SHBA.
GJYSMËFINALJA SI OBJEKTIV – Arritja në gjysmëfinale ose finale do të ishte ideale për Hënesin, megjithëse ai nuk e sheh këtë si një garanci. Duke pasur parasysh renditjen aktuale, Bajerni mund të përballet me një sfidë të vështirë, por jo të pakapërcyeshme, kundër Çelsit në 1/8 e finaleve. Ai është gjithashtu shumë i impresionuar me performancat e sulmuesit të krahut Kingsli Koman deri më tani, teksa dhe Gnabri gjithashtu ka treguar përmirësim.
“Mendoj se mbërritja në gjysmëfinale është një objektiv i arritshëm për Bajernin. Dëshirat janë të mëdha gjithnjë”. Hënes nuk po planifikon një udhëtim të shkurtër në SHBA, edhe nëse bavarezët avancojnë larg në garë. Presidenti Herbert Hainer do të udhëtojë atje pasi të mbarojnë ndeshjet eliminatore për Kampionatin Gjerman të Basketbollit. Drejtori sportive, Maks Eberl, pritet gjithashtu të kthehet në SHBA në mesjavë; ai është aktualisht në Mynih për shkak të çështjeve të transferimit.
