TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tashmë është zyrtare, Luka Antoneli i ka dhënë lamtumirën futbollit në moshën 35-vjeçare!
Ish-mbrojtësi i Milanit e ka konfirmuar vetë këtë lajm me anë të një interviste me të përditshmen sportive italiane “La Gazzetta dello Sport”, ku deklaron se nuk është e lehtë të largohesh nga futbolli i luajtur dhe se ka zbuluar projektin e së ardhmes ku do të nisë kursin e trajnerit në Koverçano:
“Nuk është e lehtë të largohesh nga futbolli, pas kaq shumë vitesh të përshkuara të bërit të njëjtat gjëra.
Tani do të shijoj momentet me familjen dhe fëmijët e mi.
Kjo është zgjedhja e duhur! Në muajin korrik do të nis kursin e trajnerit UEFA B në Koverçano.”, deklaroi Antoneli, i cili në karrierën e tij me Milanin ka fituar një Champions në sezonin 2006/2007 dhe një Superkupë të Italisë në 2016/2017.
Më parë Antoneli ka mbajtur veshur edhe fanellat e Barit, Parmës, Xhenoas, Empolit dhe Majemi FC.
