TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mesfushori me origjinë shqiptare, Granit Xhaka është nominuar për çmimin prestigjioz të Topit të Artë! Një arritje e jashtëzakonshme për futbollistin i cili zhvilloi një sezon spektakolar me Bajern Leverkusen.
Kjo është hera e parë që Xhaka është pjesë e listës së kandidatëve për këtë çmim të rëndësishëm në futbollin ndërkombëtar.
Ceremonia e ndarjes së “Topit të Artë” do të mbahet më 28 tetor në Paris, ku do të mblidhen personalitete të njohura nga bota e futbollit për të nderuar më të mirët e vitit.
Këtë vit, disa lojtarë të tjerë janë gjithashtu në garë për çmimin, duke përfshirë Vinicius Jr e Jude Bellingham të Real Madridit, Rodri i Manchester City-t, që të gjithë janë konsideruar si favoritë për të fituar 'Topin e Artë'.
Graniti fitoi Bundesligën me Bayer Leverkusenin pa pësuar asnjë humbje, po ashtu shtoi DFB Pokal dhe Superkupën e Gjermanisë.
Vinicius Zhunior, Xhud Bellingham dhe Rodri, janë 3 futbollistët që raportohet se janë në garë për të fituar Topin e Artë.
Ajo që bie më së shumti në sy është mungesa e Mesit dhe Ronaldos, ata që vendosën diktatin për vite me radhës, tashmë nuk e gjejnë veten në këtë listë prestigjioze. Kjo është hera e parë pas 21 vitesh që Mesi dhe Ronaldo nuk janë në listë. Nuk mungojnë as emrat befasues!
