TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shkëmbim zjarri mes ultrasve të Interit në Cernusco, në periferi të Milanos, ka përfunduar me një të vdekur dhe një të plagosur. Sipas asaj që raporton La Stampa, 36-vjeçari Antonio Bellocco, një kriminel i dënuar dhe i lidhur me klanin Rosarno, u godit me thikë për vdekje pasi hapi zjarr ndaj Andrea Beretta, liderit historik 49-vjeçar i ultrasve “Nerazzurri”.
Gjithçka ndodhi pranë palestrës Testudo, një vend takimi shumë i njohur për mbështetësit e “Curva Nord”. Beretta u arrestua me dyshimin për vrasje.
Sipas hetimeve paraprake, Bellocco qëlloi Berettën duke e plagosur në këmbë, ndërsa ata ishin së bashku në një makinë Smart.
Të shtënave me armë zjarri 49-vjeçari i është përgjigjur menjëherë me një goditje vdekjeprurëse në fyt. Pak orë para vrasjes, Andrea Beretta dhe Antonio Bellocco luajtën së bashku futboll në një sfidë mes miqsh. Këtë e tregon një foto e publikuar në Instagram nga Marco Ferdico, një nga drejtuesit ultra të Interit. Ata kishin luajtur futboll me kapo ultrasit e Milanit, duke e konsideruar një derbi të zakonshëm mes miqsh. Në foto, në rreshtin e parë, shfaqen si Bellocco ashtu edhe Beretta.
