TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Te FC Bajern, gjithçka sillet rreth këtij termi në ditët e fundit para mbylljes së merkatos së transferimeve. Trajneri zakonisht diplomatik, Vinsent Kompani, ka folur disa herë për këtë çështje. “Sigurisht, unë gjithmonë kam një mendim për këtë temë, dhe ne shkëmbejmë shumë ide,” shpjegoi ai pas ndeshjes ndaj Lajpcigut, lidhur me diskutimin për transferimet.
Edhe përpara fitores 2-1 në Superkupë në Shtutgart, Kompani kishte thënë, në lidhje me skuadrën – dhe nëse ajo ishte e mjaftueshme për ndeshjet e mëdha – “Nuk kemi thellësi. Ndoshta jo ende.” Trajneri dhe ekipi i tij duken të jenë në një mendim për këtë çështje. Kapiteni Manuel Nojer dhe anëtari i këshillit të ekipit, Herri Kejn, kanë theksuar publikisht mungesën e thellësisë në skuadër. Për të dy lojtarët, deklaratat mbi politikën e skuadrës janë tepër të pazakonshme dhe prandaj duken të koordinuara me komentet e Kompanit.
Në sulm, Tomas Myler, Leroj Sane, Kingslej Koman dhe Matis Tel kanë lënë klubin. Nga ana tjetër i vetmi afrim është Luis Díaz. Kjo do të thotë se, për shkak të dëmtimit të Jamal Musialas, vetëm katër lojtarë me përvojë janë të disponueshëm për katër pozicione në sulm: Díaz, Olise, Kejn dhe Gnabri. Transferimi i Kristofer Nkunku nga Çelsi ende nuk është përjashtuar plotësisht. Dhe një huazim për sulmuesin e Bluve, Nikolas Xhekson, është ende duke u diskutuar.
Bajerni i Mynihut ka arritur një marrëveshje me lojtarin. Bajerni e di që Çelsi ende ka kapacitet, pavarësisht rregullave të rrepta të Premier Ligë për numrin e lojtarëve të huazuar. Ndërsa objektivi fillestar i Bajernit ishte që në çdo huazim të përfshihej patjetër një opsion blerjeje, ky kusht më në fund u zbut. Eberl tani ka një detyrë të vështirë në bisedime: Ai duhet tu shpjegojë klubeve shitëse pse, nga njëra anë, Bajerni do të kishte qenë i gatshëm të investonte 55 milionë euro për Nik Voltemejd të Shtutgartit – por nga ana tjetër, profesionistët e tjerë mund të merren vetëm në huazim.
