TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Bajerni i Mynihut shpë toi me një sy të nxirë në raundin e parë të Kupës së Gjermanisë. Fituesit rekord të kupës shpërdoruan një epërsi 2-0 kundër Vehen Visbaden, përpara se Herri Kejn të shënonte golin vendimtar.
Trajneri i Visbaden, Nils Dëring, bëri tre ndryshime në formacionin titullar pas humbjes 3-4 kundër RotVajs Esen në Ligën e Tretë. Ndërkohë, trajneri i Bajernit, Vinsent Kompani, bëri gjashtë ndryshime pas fitores 6-0 ndaj RB Lajpcigut. Nojer, i pezulluar pas kartonit të kuq sezonin e kaluar, u zëvëndësua në portë nga Urbig. Boej, Kim, Guerreiro, Pavloviç dhe Karl po ashtu nisën nga fillimi. Mysafirët nga Mynihu, si favoritë të mëdhenj, deshën të justifikonin këtë rol dhe iu deshën më pak se dhjetë sekonda për të kaluar në avantazh.
Megjithatë, blerja e re Luis Díaz u ndal nga portieri i Visbaden, Stricel. Pak minuta më vonë erdhi rasti i parë i diskutueshëm: pas një pasimi nga Boej, Kejn gjuajti nga pak metra larg. Gilekens bllokoi gjuajtjen, por më pas, duke qenë i shtrirë, zgjati krahun për të larguar topin dhe për t’i mohuar mundësinë Kejn për të goditur përsëri. Gjyqtari nuk e vërejti këtë dhe, për habinë e Kejn, akordoi faull. Megjithatë, vetëm pak minuta më pas Bajerni fitoi një penallti.
Kejn e mori përsipër dhe e shndërroi në gol për 1-0. Fituesit rekord të kupës vazhduan presionin, duke iu afruar golit të dytë me Luis Díaz dhe Guerreiro disa herë. Kështu, pjesa e parë përfundoi 1-0 për skuadrën e Bundesligës. Pas pushimit, nuk kaloi shumë dhe Bajerni dyfishoi epërsinë me Olise, i cili përfitoi nga një depërtim i Karl. Luis Díaz humbi dy raste të arta, duke u irrituar gjithnjë e më shumë me veten. Dhe kjo do t’i kushtonte.
Pas një krosimi të shkëlqyer, Kaja ngushtoi diferencën, dhe disa minuta më vonë kapiteni i Visbaden barazoi 2-2. Bajerni u detyrua të reagonte përsëri. Pas një mundësie të trefishtë, që përfundoi me faull ndaj Kejn, mysafirët fituan penalltinë e dytë. Kejn, zakonisht i saktë, gaboi, dhe gjuajtja e tij e dytë u ndal nga portieri i shkëlqyer Stricel. Kur u duk se skuadra e Visbaden, që luftoi me shpirt, do ta çonte ndeshjen në shtesë, Kejn goditi përsëri: ai shënoi me kokë pas një krosimi nga Stanisiç. Kështu, Bajerni shpëtoi me një sy të nxirë dhe kaloi në raundin e dytë. Shorti të dielën e ardhshme do të përcaktojë kundërshtarin e radhës.
